Аудан әкімі Бағлан Батыршаевтың тапсырмасына орай Ордабасы ауданында атаулы әлеуметтік көмек алушы отбасыларға мониторинг жүргізу мақсатында жұмыс топ құрылды.
Жұмысшы топтың жетекшісі ретінде аудан әкімінің орынбасары Қыдырбай Сейітқұл бекітіліп, салалық бөлім басшылары мен ауыл округі әкімдері, «Әйелдер» , «Ардагерлер» қоғамдық кеңестерінің мүшелері Шұбарсу ауыл округіндегі атаулы әлеуметтік көмек алатын отбасылардың жағдайымен танысып, анықтау жұмыстарын жүргізуде.
Үгіт-насихат жұмыстарының қорытындысы бойынша аудан әкімдігінің кіші залында топ жетекшісі жұмысшы топтың мүшелерімен жиналыс өткізді.
Алқалы жиында атаулы әлеуметтік көмек алушы отбасыларға зерделеу жұмыстарының барысы түсіндірілді.
Ордабасы ауданы әкімдігінің баспасөз қызметі
