Аудан әкімі Бағлан Батыршаевтың тапсырмасына орай ауыл, елді мекендердегі жеке меншік жайылымдық жерлерді, игерілмеген және мақсатсыз пайдаланылған жерлерді ортақ жайылымға қайтару мақсатында түсіндіру жұмыстары жүргізілуде.
Қазіргі таңда аудан әкімінің орынбасары Азат Оралбаевтың жетекшілігімен құрылған ұмысшы топ Бадам ауылдық округіне қарасты Ақбұлақ ауылындағы тұрғындардың ортақ жайылым туралы талап-тілектерін зерттеп, зерделеуде.
Айта кетерлігі, Ақбұлақ елді мекеніне іргелес орналасқан барлық жайылымдық жерлер көлемі – 791,1 гектарды құрайды. Оның ішінде – 43 га жер ортақ жайылымдық жерге бекітіліп берілген. Ауыл шаруашылығы мақсатында қалған ауданы 601,7 гектар, 23 жеке меншіктегі жайылымдық жер учаскелерін құрайды.
Оның ішінде ауданы 146,4 гектар құрайтын 17 жер учаскесінің нысаналы мақсаты өндіріс өнімдерін өндіруге ауыстырылған.
Сондай-ақ, жұмысшы топ Ақбұлақ елді мекенінен «Завод Модуль» жауапкершілігі шектеулі серіктестігіне «саздақ өндіру және барлау жұмыстарын жүргізуге» берілген жер телімінің игерілмей жатқан бөлігін ортақ жайылымға қайтару мақсатында жер иеленушілермен келіссөздер жүргізуде.
Ордабасы ауданы әкімдігінің баспасөз қызметі
