Мемлекет басшысы Қасым-Жомарт Тоқаев Қазақстан халқына ҚР Конституциясына өзгерістер мен толықтырулар өткізу бойынша бейнеүндеу жариялады және 2022 жылдың 05 маусым күні республикалық референдум өткізу жөнінде қаулыға қол қойды.
Ең алғашқы референдум 27 жыл бұл бұрын өткендігін атап өткен жөн.
Осы мақсатта «AMANAT» партиясының аудандық филиалы жанынан құрылған штабтың отырысы өтті.
Штаб мүшелерінің құрамы партия филиалы жанындағы сайланбалы органдардың мүшелері, аудандық мәслихаттағы депутаттық фракция мүшелері мен партия жақтастары, «Jas Otan» ЖҚ төрағасынан құралған.
Отырыс барысында Мемлекет басшысының еліміздің саяси жаңғыру жолында бастамасының бірі – референдум өткізуді қолдау бойынша халық арасында үгіт-насихат жүргізу барысы мен арнайы кестемен көрсетілген мерзімде жүйелі түрде жұмыс жасау жайында маңызды бірқатар мәселелер талқыланды.
Штаб мүшелері өз тараптарынан Мемлекет басшысының бастамасын қолдап, осы саяси науқанда ауқымды түрде бірге жұмыс атқаратындықтарын жеткізді.
