Халықаралық студенттер күніне орай Түркістан қалалық мәдениет үйі Түркістан жоғары көпсалалы қолөнер колледжінің студенттеріне арналған мерекелік концерт ұйымдастырды.
Шарада оқу орнының тәрбие ісі жөніндегі орынбасары Темірбек Пазылов студенттерді төл мерекелерімен құттықтап, сәттілік тіледі. Сондай-ақ аталған шараны ұйымдастырған Түркістан қалалық мәдениет үйінің директоры Лиза Шәмет бастаған өнер ұжымына ерекше алғыс білдірді.
Мерекелік кеш аясында аталған ұжым өнер көрсетіп, білімгерлерге мерекелік көңіл-күй сыйлады. Түрлі қызықты ойындар ұйымдастырылып, сайыста оза шапқан студенттер сый-сияпатқа бөленді.
