Қазақстан Республикасы Парламенті
Мәжілісінің депутаты Д.Мыңбайға
Ұсыныс хат!
Құрметті Дархан Қамзабекұлы!
Түркістан облысының Ордабасы ауданында бір ғана бұқаралық ақпарат құралы бар. Ол — «Ордабасы оттары» апталық газеті. Құрылтайшысы: Ордабасы ауданының әкімшілігі. Таралымы: 6000 (алты мың) дана. Қазір облыстағы барлық аудандық, қалалық газет жекеменшік иесіне сатылып кетті. Ел Президенті, облыс әкімі тапсырмаларын, аудан әкімшілігінің атқарған жұмыстарын аудан тұрғындарына жеткізетін газеттің сатылуы дұрыс емес. Осыған ықпал етсеңіз.
Аудандағы білім, медицина, спорт салалары тікелей облыс әкімінің салалық басқармаларының құзіретіне берілді. Бір ғана мысал. Жедел жәрдем шақыру үшін облысқа хабарлау керек. Олар ауданға хабарлайды. Осылайша уақыттан ұтылудамыз. Сондай-ақ, аудандағы жедел жәрдем көліктері бұзылса, оның қосалқы бөлшектерін алуға облыс орталығы Түркістанға барады. Бұл да жедел жәрдем жұмысына кедергі деп білемін. Дегенмен, бір жарым жылға жақын уақытта білім ұйымдарының материалдық-техникалық қамтамасыз етуге тиісті қаржының бөлінбеуі салдарынан өрт сөндіру мен санитарлық эпидемиологиялық талаптардың сақталмауы негізін айыппұлдар салу үдеуде, сонымен қатар, мектепке дейінгі ұйымдардағы жан басына шаққандағы қаржыландыру толық аударылмауынан тәрбиешілер арасында жоғарғы органдарға арыз-шағым көбеюде;
Аудандағы мектепке дейінгі, бастауыш, негізгі орта және жалпы орта білім беретін ұйымдардың басшыларын тағайындау мен қаржыландыруға басшылық жасау облыстық адами әлеуетті дамыту басқармасының құзыретінде болуына байланысты аудандық адами әлеуетті дамыту бөлімі тарапынан аудан әкімі, білім саласына қатысты мәселелер баяндалмауына қарамастан, тәрбиеленушілер мен білім алушылардың дінге көзқарасы, суцид, аз қамтамасыз етілген отбасыларды анықтау, тәрбиесі тағы басқа қатысты мәселелер жергілікті әкімнен талап етілуі түсініксіз?
Аталған салалар аудан әкімінің құзіретіне берілсе, нәтижелі болар еді.
Ауданда мал жайылымының жерлеріне кәсіпкерлер түрлі нысандар салуда. Кезінде кәсіпкерлер бұл жерлерді ұзақ мерзімге жалға алған. Бастапқыда мақсаттары басқа болған. Кезінде мал жайылымдық жерлерді осылайша кәсіпкерлерге беріліп кеткен Мысалы, тарихи орын – Қарауыл төбе маңында кірпіш зауытының құрылысы жүріп жатыр. Осыларды тоқтатып, ауыл тұрғындарының мал жайылым жерлері үшін мемлекетке қайтару керек.
Осы мәселелерді тиісті орында көтеріп, шешуге ықпал етуіңізді сұранамын.
Ғалымжан ЗИЯБЕК,
Ордабасы аудандық мәслихатының депутаты.
