ҚР Президенті Қ.К.Тоқаевтың Қазақстан халқына арнаған «ЖАҢА ҚАЗАҚСТАН: ЖАҢАРУ МЕН ЖАҢҒЫРУ ЖОЛЫ» Жолдауды насихаттау және түсіндіру бойынша Ордабасы аудандық ақпараттық-насихаттық топтардың ауыл тұрғындармен кезекті кездесуі Шұбарсу ауыл округіндегі мәдениет Үйінде өтті.
Жиынға аудан әкімінің орынбасары Исмайлов Ержан, «Ордабасы оттары» газетінің директоры — Бас редакторы Зиябек Ғалымжан, Шұбарсу ауылының әкімі Тұрсынбаев Әнуар, ауыл округі әкімі аппараты кызметкерлері, ардагерлер кеңесі, ауыл билері, білім саласы қызметкерлері қатысты.
Жиында олар маңызы айрықша болған Президентің кезекті жаңа Жолдауындағы басым бағыттарына тоқталып өтті.
Сонымен қатар, жиын барысында қоғам белсенділері, зиялы қауым өкілдері, ауыл тұрғындары жарыссөзге шығып, Жаңа Қазақстанды құру жолында Президент ұсынған тарихи құжатты қолдап, қуаттап, бірлесіп жүзеге асыратындықтарын жеткізді.
