Бүгін Түркістан қаласының әкімі Әзімбек Пазылбекұлы «Ақжайық» музыка мектебінде қаланың ардагерлері және зиялы қауым өкілдерімен кездесті.
Кездесу барысында қала әкімі ақсақалдарға құрмет білдіріп, олардың Түркістанның өсіп-өркендеуіне, қоғамдық келісім мен тұрақтылықтың нығаюына, ұлттық құндылықтарды дәріптеп, өскелең ұрпаққа өнегелі тәрбие беруге қосып келе жатқан сүбелі үлестерін ерекше атап өтті.
Сондай-ақ, шаһардың әлеуметтік-экономикалық дамуы, инфрақұрылымды жетілдіру бағытында атқарылып жатқан жұмыстар, жүзеге асырылып жатқан маңызды жобалар мен алдағы кезеңге жоспарланған бастамалар жөнінде жан-жақты баяндады.
Қала басшысы Түркістанды дамыту жолындағы жұмыстарда ел ағаларының ақыл-кеңесі мен өмірлік тәжірибесінің маңызы зор екенін жеткізді.
Жиын барысында ардагерлер мен зиялы қауым өкілдері ұсыныс-пікірлерін айтып, қала өміріндегі өзекті мәселелер жөнінде пікір алмасты. Өз кезегінде қала әкімі көтерілген бастамалар мен орынды ұсыныстар алдағы жұмыстар барысында жан-жақты қаралып, тиісті деңгейде назарға алынатынын атап өтті.
Кездесу барысында қоғамдық келісімді нығайту, жастардың бойына ұлттық құндылықтарды сіңіру және ұрпақтар сабақтастығын дамыту бағытындағы жұмыстарды бірлесе жалғастырудың маңыздылығы атап өтілді. Ардагерлердің өмірлік тәжірибесі мен тағылымды ақыл-кеңесі қоғам үшін қашанда құнды екені айтылды.
Сонымен қатар шаһардың көркеюі, тұрғындарға қолайлы орта қалыптастыру және әлеуметтік жобаларды сапалы іске асыру мәселелері де сөз болды. Бұл бағыттағы жұмыстарда тұрғындардың ұсыныстары мен қоғамдық пікірдің ескерілуі маңызды екені жеткізілді.
Зиялы қауым өкілдері жастар тәрбиесі, мәдениет пен руханиятты дамыту, тарихи мұраны сақтау бағытындағы бастамаларын ортаға салып, осы мәселелер бойынша өз ой-пікірлерімен бөлісті. Көтерілген ұсыныстардың қаланың дамуына оң ықпал ететіні атап өтілді.
Қала әкімі тұрғындармен, ардагерлер және зиялы қауым өкілдерімен мұндай ашық форматтағы кездесулер алдағы уақытта да тұрақты жалғасатынын айтып, ел игілігі жолындағы барлық орынды бастамалар жан-жақты қарастырылатынын жеткізді.
Кездесу өзара түсіністік пен сындарлы диалог аясында өтіп, қатысушылар Түркістанның жан-жақты дамуына бірлесіп үлес қосуға дайын екендіктерін білдірді.
