Бәйдібек ауданы «Жастар ресурстық орталығы» КММ-нің ұйымдастыруымен «Тау шыңы» балаларға арналған жазғы лагерінде, балалардың бос уақытын тиімді пайдалану, бір бірімен достық қарым қатынасты нығайту мақсатында «Бақытты балалар бейбіт елдің тірегі» атты тоғызқұмалақ, шахмат және эстафеталық жарыстар өткізілді.
Ісшараны аудандық «Жастар ресурстық орталығы» КММ-нің басшысы Бағлан Бердібекұлы ашып беріп балаларға сәттілік тілеп, балалардың демалысын жақсы өткізуін тіледі.
Сайыс барысында жастар командаларға бөлініп тоғызқұмалақ, шахмат, эстафеталық сайыстар бойынша бақ сынасып тамаша уақыт өткізді.
Жеңімпаз командаларға арнайы дипломдар табысталып, ынталандыру сыйлықтары табысталды.
