Түркістан облысы қоғамдық даму басқармасының қолдауымен, “Жастар ресурстық орталығы” КММ ұйымдастыруымен Түркістан қаласында маңызды кездесу өткізілді.
Іс-шараның мақсаты – жастарға арналған тұрғын үй бағдарламалары жайлы жан-жақты ақпарат беру, баспанаға қол жеткізу мүмкіндіктерін түсіндіру және олардың тұрғын үйге ие болуына қолдау көрсету.
Кездесуге орталық мамандары, белсенді жастар, жас отбасылар мен жоғары оқу орындарының студенттері қатысты. Шақырылған қонақ – Отбасы банкінің Түркістан облыстық филиалының маманы Дехконов Муханмади Шахриллоевич болды.
Спикер “Бақытты отбасы”, “2-10-20”, “Жас отбасы”, “Арнаулы бағдарлама” секілді жобалар туралы түсінік беріп, бастапқы жарна, пайыздық мөлшерлеме, 
шот ашу мен жинақ жүйесіне қатысты пайдалы кеңестермен бөлісті.
шот ашу мен жинақ жүйесіне қатысты пайдалы кеңестермен бөлісті.Жастар өздерін қызықтырған сұрақтарын қойып, нақты жауаптар алды. Ал маман әр қатысушының жағдайына қарай тиімді шешімдерді ұсынды.
Іс-шара жастардың тұрғын үйге қол жеткізу туралы ақпараттануын арттырып, өмірлік маңызды шешімдер қабылдауына түрткі болды.
