Түркістан облысы қоғамдық даму басқармасы «Жастар ресурстық орталығы» коммуналдық мемлекеттік мекемесінің ұйымдастыруымен жастар арасында нашақорлықтың алдын алу және салауатты өмір салтын насихаттау мақсатында «Жастар таңдауы – салауатты өмір!» тақырыбымен тимбилдинг форматындағы іс-шара өтті.
Аталған іс-шараның негізгі мақсаты – жастарды зиянды әдеттерден, әсіресе есірткі заттарын қолданудан сақтандыру, олардың бойында жауапкершілік, бірлік және өзара қолдау сияқты құндылықтарды қалыптастыру.
Тимбилдинг барысында қатысушылар түрлі спорттық эстафеталарға, ұжымдық ойындарға, зияткерлік тапсырмаларға және мотивациялық тренингтерге белсене қатысты. Сонымен қатар, психолог мамандар мен әлеуметтік қызметкерлер нашақорлықтың зияны, оның салдары мен алдын алу жолдары туралы ақпарат беріп, ашық пікір алмасуға мүмкіндік жасады.
Шара соңында белсенді қатысушылар алғыс хаттармен және арнайы сыйлықтармен марапатталды.
«Жастар ресурстық орталығы» КММ-нің бастамасымен жүзеге асқан бұл іс-шара – облыстағы жастар саясаты аясында жүзеге асырылып жатқан жүйелі жұмыстың бір парасы. Алдағы уақытта да жастар арасында салауатты өмір салтын дәріптейтін осындай тәрбиелік мәні зор іс-шаралар жалғасын табатын болады.
