Қазіргі заманның індетіне айналған интернет-алаяқтық қылмыстары халқымызға елеулі зиян келтіріп жатқандығы барлығымызға белгілі. Осы орайда Мақтаарал аудандық полиция бөлімінің қызметкерлері білім саласының мамандарымен интернет алаяқтықтың алдын алу мақсатында кездесу өткізді, деп жазады Түркістан облысы полиция департаментінің баспасөз қызметіне сілтеме жасаған 4tagan.kz ақпараттық агенттігі.
Мақтаарал аудандық полиция бөлімі тарапынан аталған қылмыстарды зерделеу барысында, полиция бөліміне интернет-алаяқтарының құрбаны болып жоғары білімді мектеп мұғалімдері жиі келіп жатады. Интернет-алаяқтық қылмыстарының алдын алу мен күресудің басты шешімдерінің бірі – ол профилактикалық іс-шаралар.
Мақтаарал аудандық білім бөліміне қарасты №56 жалпы білім беру мекемесінің мұғалімдеріне өткізілген кездесуде аудандық полиция бөлімі мен аудандық прокуратура қызметкерлері «Интернет-алаяқтарынан сақ болыңыздар» тақырыбын көтеріп, қазіргі таңда кеңінен тараған интернет алаяқтықтың түрлері мен алаяқтардан қалай сақтану қажеттігі жайында ақпарат берді.
