Кентау қаласының полицейлері мен прокуратура және әкімдікпен бірлесіп, білім беру ұйымдарының өкілдерімен кездесу өткізді, деп жазады Түркістан облысы полиция департаментінің баспасөз қызметіне сілтеме жасаған 4tagan.kz ақпараттық агенттігі.
Кездесу барысында интернет-алаяқтықпен күрес, оның алдын алу мәселелері талқыланды. Қазіргі уақытта ақпараттық технологиялардың үздіксіз дамуына байланысты интернет-алаяқтық қылмыстары қоғамның ең өзекті әрі маңызды мәселесіне айналып отыр. Сондықтан оның басқа қылмыстарға қарағанда басты ерекшелігі – жалпақ жұрттың бәріне қатысты жасалуында болып отыр.
Сондықтан полицейлер осындай қоғамдық кездесулерді жиі ұйымдастырып, профилактикалық шараларды көбейтуде. Мәселен 2 айда қала көлемінде жалпы 48 интернет-алаяқтық қылмысы тіркелді. Бұл әрине аз сан емес, десе де өткен жылмен салыстырғанда 30 пайызға азайғанын көрсетеді.
Кентаулық полицейлер жиналғандарға алаяқтардың құрбанына айналмас үшін сақтық шараларына мұқият болып, қарапайым ғана ұқыптылықты ұстану керектігін ескертті.
Сонымен бірге, ІІМ шетелдегі қазақстандықтарға алаяқтықтың жаңа түрі туралы ескертті Авторы Шұғыла Тұрлыбек 21 Қаңтар 2025 ж., 09:05 жарияланған 357 Ішкі істер министрлігі шетелдегі қазақстандықтарға алаяқтықтың жаңа түрі туралы ескертті.
Біздің мыңдаған азаматтарымыз шетелдерде оқуда немесе жұмыста. Олар өзара Telegram және WhatsApp-чаттарын құрып, ақпарат алмасып, бір-біріне көмектеседі. Мұны алаяқтар да пайдалануы мүмкін. Қаскөйлер осындай чаттарға қосылып, өздерін қазақстандық азамат ретінде таныстырып, әдеттегіден тиімді шарттармен валюта айырбастау қызметін ұсынады. Бірақ ақшаны ауыстырғысы келетіндерді байланыстырмай, алаяқтар криптовалюта сатумен айналысатын адамдардың немесе дроптардың шоттарын жібереді. Түскен қаражатты алғаннан кейін олар хат-хабарларды өшіріп, чаттардан шығып кетеді. Кореяда, Қытайда және АҚШ-та осылай алдау жағдайлары орын алды.
— Азаматтарды сақ болуға және күмәнді ұсыныстарды қабылдамауға шақырамыз, — деді ведомствода.
