Қазіргі таңда балалардың интернетке қолжетімділігі аса қиын емес. Үш баланың екеуінде смартфон құрылғысы бар. Күнделікті тұрмыс-тіршіліктен үйге бара қалсаңыз алдыңыздан жүгіріп шыққан перзентіңіз сізден бірінші телефон сұрайды. Есі дерті ойын ойнау немесе интернетке кіріп, әлеуметтік желіден қызықтарды тамашалау. Осы сәтте баланың ғаламторда қандай жағдайға тап болғанын біле бермеуіміз мүмкін.
Қазіргі таңда ата-аналар осы жағдай төңірегінде дабыл қағуда. Мәселенің мәнісіне үңілсеңіз баланың қудалауға түсіп жатқанын аңғару қиын емес. Бұл деректерді Түркістан қалалық полиция басқармасы да растайды. Түркістан қалалық ардагерлер кеңесінің төрағасы, ардагер ұстаз Ж.Құлбайымбетов бала тәрбиесімен қатар, оның басқа ықпалдар арқылы зорлық-зомбылыққа тап болуының мәнісін ашып көрсету керек екенін айтады.
Осы ретте біз аталмыш мәселенің қыры мен сырын ашуға арнайы сараптама жүргізген ЮНИСЕФ мамандарының еңбектеріне иек артып отырмыз.
Бұл жарияланымда тақырыпқа арқау болған сұрақтарға жауап беру және осы құбылыспен қалай күресу керектігі жөнінде ЮНИСЕФ мамандарының, интернет-қудалау және балаларды қорғау мәселелері жөніндегі халықаралық сарапшыларының, сондай-ақ Facebook, Instagram және Twitter компаниялары қызметкерлерінінің жауабы жан-жақты көрсетілген.
Интернеттегі қудалау: Интернет-қудалау деген не және онымен қалай күресуге болады?
Жасөспірімдердің кибербуллинг туралы қоятын 10 негізгі сұрақтары.
«Интернеттегі қудалау туралы не білгіңіз келеді?» Біз осы сұрақты жастарға қойып, әлемнің түкпір-түкпірінен мыңдаған жауаптарды алдық.
