Сауд Арабия елінің Эр-Рияд қаласында Әлемдік жекпе-жек ойындары өтіп жатыр. Аталған додада Қазақстан құрамасынан «Шардара Армспорт» мектебінің 5 спортшысы армрестлингтен жеңімпаз атанды. Атап айтар болсақ, 70 келіде Сарыбай Ердаулет алтыннан алқа тақса, 80 келіде Айдархан Нұрдаулет көш бастады. 100 келіде Талғат Ақтаев жеңіс тұғыран көрінсе, 110 келіде Қаржау Есболат әнұранымызды шырқатты. Ал +110 келі салмақта Медет Құттымұратов қарсылас шақ келтірмей, ел қоржынына алтын медаль салды.
Әлемдік жекпе-жек ойындарында 8 күннің ішінде, 16 спорт түрінен жалпы командалық есеп бойынша Қазақстан құрамасы 12 алтынмен 2 орынға табан тіреді. Оның ішінде 5 алтынын абыроймен еншілеген шардаралық спорт мектебі әлемдегі ең мықты құрама екенін тағы бір дәлелдеді.
