Аудан әкімі Нұрбек Бадырақов орталықта жүргізіліп жатқан абаттандыру жұмыстарының барысымен танысты.
Аудан басшысы алдымен “Черемушка” мөлтек ауданындағы көпқабатты үйлердің аулаларында атқарылып жатқан тірліктерді көрді. Қазір онда заманауи үлгідегі балалар ойын алаңшасын орнату, ішкі жолдарын жөндеу және т.б. жұмыстар қызу жүргізілуде. Сондай-ақ аудан әкімі орталық көшелердің бойына көшеттер отырғызу, көше жарық шамдарын ретке келтіру жұмыстарымен, орталық саябақтағы су жүйесін тарту және газон егу, гүл егу, тротуар жөндеу жұмыстарымен танысты.
— Біздің міндетіміз — тұрғындарға барынша жағдай жасау. Бұл бағытта бірқатар ауқымды жұмыстар атқарылып жатыр. Олар сапалы әрі уақытында орындалуы керек, — деді Нұрбек Бақтыбайұлы.
