Аудан әкімі Нұрбек Бадырақов Бадам ауылдық округіндегі “Ордабасы нан” ЖШС-ның диірменіне барды.
Ас атасын дайындайтын диірмен Түркияның автоматтандырылған озық технологиясымен жабдықталған. Күніне 450 тонна ұн өңделеді. Оларға екі негізгі диірмен қызмет көрсетеді. Онда кірістегі шикізат пен шығарылған дайын өнімді тексеретін акредиттелген зертхана жұмыс істейді. Сондай-ақ өндіріс орнында 80 адам жұмыспен қамтылған.
Өнімдердің тең жартысы ішкі нарыққа, жартысы Өзбекстан, Ауғанстанға жөнелтіледі. Жоба Қазақстан Республикасын индустриялы-инновациялық дамытудың мемлекеттік бағдарламасы аясында іске қосылған.
Аталған серіктестіктің жұмысымен жіті танысқан аудан басшысы серіктестік басшылығына аудан экономикасының дамуына қосып жатқан үлестері үшін алғысын білдірді.
Аудан әкімінің баспасөз қызметі
