Аудан әкімі Нұрбек Бадырақов Бадам ауыл округіндегі “Ордабасы құс” ЖШС-де болды.
Аталған кәсіпорын «Үдемелі индустриялды-инновациялық даму» мемлекеттік бағдарламасы аясында іске қосылды.
I-кезеңі 2010 жылы іске қосылған. Өндіріс қуаттылығы жылына — 4 828 тонна. Жоба «КазАгроқаржы» АҚ-арқылы қаржыландырылған. Жобаның инвестициялық құны — 3 млрд. 249 млн.теңге, ашылған жұмыс орны – 280 адам.
II-кезеңі 2014 жылы іске қосылған. Өндіріс қуаттылығы жылына- 8110 тонна. Жоба «КазАгроқаржы» АҚ-арқылы қаржыландырылған. Жобаның инвестициялыққұны-2 млрд. 330 млн.теңге, ашылған жұмыс орны-140 адам.
«Бизнестің жол картасы-2020» бағдарламасы аясында күркетауық фабрикасына жалпы құны 128 млн. теңгеге газ құбыры мен ішкі автожолдар тартылған.
2022 жылдың қараша айының 14-жұлдызында 52 000 бас күркетауық тұқымы инкубаторға салынып, 50 000 бас балапан шығып өсірілуде.
2023 жылдың қаңтар айының 11-жұлдызында Франция мемлекетінен 54 000 бас күркетауық тұқымы әкелініп, инкубаторға салынып, 28 күнде балапан болып шығады.
Аудан басшысы серіктестік қызметкерлерінің жұмысына сәттілік тілеп, ауданның әлеуметтік-экономикалық дамуына қосып жатқан үлестеріне алғысын білдірді. Сондай-ақ кейбір мәселелер бойынша аудан тарапынан қолдау көрсетілетіндігін айтты.
Аудан әкімінің баспасөз қызметі
