Аудан әкімі Нұрбек Бадырақовтың төрағалығымен аппараттық жиын өтті.
Күн тәртібі бойынша аудандық экономика және қаржы бөлімінің басшысы Алтынай Сихымбаева ауданның әлеуметтік-экономикалық даму көрсеткіштерінің 2022 жылдың қорытындысымен орындалуы туралы баяндама жасады.
Сондай-ақ аудандық тұрғын үй коммуналдық шаруашылық, жолаушылар көлігі, автомобиль жолдары және тұрғын үй инспекциясы бөлімінің басшысының міндетін у.а. Асқар Балабиев аудан аумағындағы республикалық, облыстық және аудандық маңызы бар жолдары ашу бойынша атқарылған жұмыстардың барысы және әлеуметтік маңызы бар нысандардың жылумен қамтамасыз етілуі туралы баяндады.
Өз кезегінде аудан басшысы тиісті бөлімге аудан орталығына кіре беріс жолдардың және орталық көшелерге инертті (құм.тұз) материалдарды көбірек себуді, жол жиектеріндегі үйінді қарларды мейлінше тездетіп тазартуды тапсырды.
Сонымен қатар аудан әкімі тиісті бөлімдерге, ауыл әкімдеріне әлеуметтік нысандардың, әлеуметтік осал топтағы азаматтардың үйлерінің жылумен қамтамасыз етілуін қатаң бақылауға алу қажеттігін айтты.
Жиында аудан басшысы толассыз жауған қардан жолдарды, ішкі көшелерді тазартуда белсенділік танытқан бірқатар ауыл әкімдеріне алғысын айтып, олардың еңбектерінен басқа ауыл әкімдерінің үлгі алу керектігін жеткізді.
Аудан әкімінің баспасөз қызметі
