Ордабасы ауданының өнерпаздары «Береке Fest» этно-фестивалінің 2-орын жүлдесін жеңіп алды.
Шымкент қалалық салт-дәстүр және әдет-ғұрып орталығының ұйымдастыруымен ұлт тарихында елеулі орны бар ұлы тұлғалар Қажымұқан Мұңайтпасұлы, Балуан Шолақ, Біржан сал, Иманжүсіп, Майра Уәлиқызы қатысқан Қарқаралы, Қоянды жәрмеңкесінің тарихи-мәдени-этнографиялық маңызын қайта жаңғырту мақсатында «Мизам-береке мен бірлік бастауы» «Береке Fest” этнофестиваліне Ордабасы аудандық Мәдениет үйінің өнерпаздары қатысып, жүлделі ІІ-орынға ие болды.
Фестиваль барысында Ғ.Арыновтың «Қазақтың Қажымұқаны» қойылымы сахналанып, көрермен назарына ұсынылды.
Қажымұқан бабамыздың қартайған шағынан көрініс беретін қойылым мен аудандық мәдениет үйінің өнерпазы Ескермес Нұрбектің арнауы қазылар алқасының көңілінен шығып, көрерменнің ыстық ықыласына бөленді.
Аудан әкімінің баспасөз қызметі
