Бүгін Сарыағаш ауданының әкімі Мұхит Баймұханбетұлы Әлімтау ауылдық округінің тұрғындарымен кездесіп, ауданның әлеуметтік-экономикалық дамуы мен атқарылған жұмыстар жайлы баяндап, әрі қарай да бұл жұмыстардың қарқынмен жалғасатынын жеткізді. Осыған дейінгі кездесулерде көтерілген мәселелердің басым бөлігі шешімін тапқан. Атап айтқанда, ағымдағы жылы Әлімтау ауылдық округі, Көктал елді мекеніне электр желілерін тарту және трасформатор қондырғыларын орнату құрылысы үшін жобалық сметалық құжаттарын (ЖСҚ) дайындауға аудандық бюджеттен қаржы бөлініп, бүгінгі таңда ЖСҚ дайындалуда.
Сонымен қатар, ортақ мал жайылым жерлерді кеңейту үшін ағымдағы жылдың 4-тоқсанында 485 га жайылым жер учаскесін ортақ жайылым ретінде қосуға құжаттар рәсімделуде. Сондай-ақ, Әлімтау ауылдық округі аумағынан жер пайдаланушылармен егістік жерлер егіннен босағаннан кейін жайылым жерлерге ауыл тұрғындарының малдарын жаюға келісім алынып, 9626 га жерге меморандум жасалынған.
Сөз соңында, аудан басшысы тұрғындарға ағымдағы жылы Әлімтау және Тасқұдық елді мекендеріндегі 5 көшенің 4,9 шақырымына орташа және ағымдағы жөндеу жұмыстары жүргізіліп, халық игілігі үшін пайдалануға берілетінін жеткізді.
Бүгінгі кездесуде тұрғындар тарапынан аудан басшысына инфрақұрылымды жақсарту, табиғи газ және таза ауыз сумен қамтамасыз ету, әлеуметтік және өзге де мәселелер бойынша сұрақтар қойылып, жауаптар берілді. Аудан басшысы бүгінгі кездесуде тұрғындар тарапынан көтерілген әрбір мәселе назарға алынып, алдағы уақытта заңға сәйкес тиісті жұмыстар атқарылатынын жеткізді.
Кездесуден кейін аудан басшысы бір топ тұрғындарды жеке қабылдап, өтініштерін тыңдап, заң аясында жауап берді. Тұрғындар тарапынан көтерілген әрбір мәселе назарға алынып, алдағы уақытта заңға сәйкес тиісті жұмыс атқарылады.
