Жаз мезгілінде күннің ыстығы мен ыстық құмға қыздырыну, салқын суға шомылу жанға сондай жайлы.
Бірақ, шомылу маусымында жас балалардың суға шомыла білмеуі, адамдардың суда қауіпсіздік ережелерін орындамау салдарынан орны толмас қайғы мен өкінішке айналып жатады.
Осыған байланысты төтенше жағдайларды алдын алу мақсатында аудандық ішкі саясат бөлімінің «Жастар ресурстық орталығы» КММ-нің қызметкерлері және ішкі істер бөлімінің мамандары, сонымен қатар «ҚР ТЖМ Түркістан облысы ТЖМ Өрт сөндіру және авариялық құтқару жұмыстар қызметі» ММ-сі, жедел құтқару жасағы бірлесе отырып, су қауіпсіздігі жөнінде тұрғындарға түсіндірме жұмыстарын жүргізді.
Шара барысында төтенше жағдайларды алдын алу, судағы қауіпсіздік шаралары бойынша таныстырылып, үнпарақшалар үйлестірілді.
Жазғы шомылу маусымында азаматтардың қауіпсіздігін қамтамасыз ету, судағы қауіпсіздік қағидаларының негізгі талаптары мен ережелерін халыққа жеткізу мақсатындағы іс-шаралар жалғасын табатын болады.
Ордабасы ауданының баспасөз қызметі
