Мемлекет басшысы Қасым-Жомарт Тоқаев ұсынған конституциялық реформаларды іске асыру бойынша Ата заңымызға енгізілетін өзгерістер мен толықтырулар жайлы үгіт-насихат жұмыстары Ордабасы ауданында жүйелі түрде жүргізілуде.
5 маусымда өтетін бүкілхалықтық Референдум туралы ақпараттар жазылған үнпарақшалар аудандағы қоғамдық орындарда, Халыққа қызмет көрсету орталығы, сауда орындары, Жұмыспен қамту орталығы мен Қазпочта, банк ғимараттары, сондай-ақ ауыл тұрғындар арасында таратылып, республикадағы маңызды саяси науқан туралы тұрғындарға түсіндіру жұмыстары жүргізілді.
Жалпыхалықтық референдум бойынша аудандық штаб мүшелері де ауданымыздың 10 ауылдық округіне қарасты 50-ден астам ауыл, елді мекендерді аралап, үгіт-насихат жұмыстары бойынша тұрғындармен кездесулер өткізуде.
Ордабасы ауданы әкімдігінің баспасөз қызметі
