Ордабасы аудандық жұмыспен қамту және әлеуметтік бағдарламалар бөлімінің «Қарттар мен мүгедектерге үйде әлеуметтік көмек көрсету» бөлімшесінде 26 әлеуметтік қызметкерлер жұмыс жасайды.
Жалпы аудан бойынша жалғызілікті жеке тұрушы 119 қартқа әлеуметтік қызмет түрлерін көрсетіп келеді.
Жылдың қай мезгілі болмасын қарттарымыздың үйлеріне аптасына екі рет материалдық, әлеуметтік-тұрмыстық және басқа да көмек түрлерін көрсетіп, қолғабыс етіп отырады.
Мәселен ауласынан бастап тазалауға кірісіп, әктеу, сырлау, ыстық тамағына дейін жасап береді.
Көбінесе жасы келген жалғыз басты қарттарға материалдық көмектен бұрын жылы лебізді қажет етеді.
Қажымұқан, Төрткүл, Бөген, Қарақұм, Жеңіс ауыл округтерінің жалғызілікті жеке тұрушы қарттарға әлеуметтік қызметкерлердің ұйымдастыруымен демеушілер тарапынан азық-түлік пакеттері берілді.
Кешегі өткен 9 мамыр Ұлы Отан соғысының 77 жылдығына орай Қажымұқан және Шұбарсу ауыл округтері бойынша әлеуметтік қызметкерлер және еріктілер тобының ұйымдастыруымен үй шаруаларына көмектесіп, сенбілік ұйымдастырылды.
Ордабасы ауданы әкімдігінің баспасөз қызметі
