Ауданымыздағы халық жиі шоғырланған Шұбарсу ауылында соңғы уақытта оңды өзгерістер өте көп.
Қаншама жылдан бері туралап тұрған Шұбарсудың инженерлік-инфрақұрылым жұмыстарына республикалық бюджеттен қаржы қаралып, құрылыс жұмыстары кезең-кезеңмен жүргізілуде.
Бүгінде 30 мыңнан аса тұрғыны бар ауылда тұрғындардың демалысына қолайлы орта қалыптастыру үшін жаңа аллея салу мақсатында жобалар жасалынған.
Ауылдық округ әкімшілігі ғимаратының маңынан жаңа аллея құрылысына 0,35 га жер телімі қаралған. Аталған жоба негізінде аудан бюджетінен қаржы қаралып, жеңімпаз мердігер мекеме анықталған соң құрылыс жұмыстары басталмақ.
Мұнан тыс, ауылдық округтің орталық көшелеріне асфальт төселіп, аяқжолдар салынып болған соң, жол жиегіне жасыл желек, саялы ағаштар мен гүлдер отырғызылмақ.
Ордабасы ауданы әкімдігінің баспасөз қызметі
