Ұстаз – ұлы тұлға. Т. Рысқұлов атындағы №25 мектеп-гимназиясында биология пәнінен сабақ беретін Гүлдана Көпбаева шәкірт тәрбилеу ісінде ұстазға тән тұлғалық қасиеттерімен танылған.
Педагог-зерттеуші. Үнемі ізденіз үстінде қызмет етіп жүрген білікті маман. Осы ұжымда үздіксіз 24 жылдан бері қызмет атқаруда.
Гүлдана Көпбаева бар күш-жігерін ұстаздыққа арнаған тұлға. Ол білім нәрін оқушыға да, әріптес жас мамандарға да үйретуден жалықпайды. Қаладағы биология пәні ұстаздары үшін «СLIL әдісі – әлемдік білімге қолжетімдікті арттыратын жол» тақырыбында зертханалық ашық алаңды ұйымдастырады.
Оқушылары түрлі сайыстар мен олимпиадалардың жүлделі орыннан көрініп, ҰБТ сынағында жақсы нәтижеге қол жеткізуде.
Саналы ұрпақ тәрбиелеуге қосқан үлесі үшін Гүлдана Төлеқызы «Егемен еліміздің үздік ұстаздары» төсбелгісімен марапатталған. 2020 жылы «Ең үздік пән кабинеті» байқауының жеңімпазы, «Ең білімді педагог — 2020» ІV қалалық пән олимпиадасында І-орынды иеленген.
Шымкент қаласы әкімдігінің баспасөз қызметі
