2025 жылғы 28 маусым күні – Бұқаралық ақпарат құралдары қызметкерлерінің кәсіби мерекесіне орай, Шардара ауданының әкімі Арман Қарсыбаев жергілікті ақпарат саласы өкілдерін қабылдап, мерекемен құттықтады.
Іс-шара барысында аудан басшысы БАҚ қызметкерлерінің қоғамдағы рөлін ерекше атап өтіп, алғысын білдірді:
“Сіздерді Бұқаралық ақпарат құралдары күнімен шын жүректен құттықтаймын! Сіздер ауданымыздың қоғамдық-саяси, әлеуметтік-экономикалық және мәдени тыныс-тіршілігін халыққа жеткізу жолында аянбай еңбек етіп келесіздер. Журналистика – ел ішіндегі татулық пен тұрақтылықтың діңгегі. Еңбектеріңізге шығармашылық табыс, өздеріңізге мықты денсаулық пен отбасыларыңызға амандық тілеймін!” – деді Арман Романұлы.
Кездесу аясында аудан әкімі БАҚ өкілдеріне Алғыс хаттар мен естелік сыйлықтар табыс етті.
Жиын соңында ақпарат саласының мамандары да өз ризашылықтарын білдіріп, аудан әкімімен естелік суретке түсті.
