Жетісай ауданында жастардың жұмыссыздық деңгейін төмендету және білім алуына қолдау көрсету мақсатында NEET санатына жататын жастарды анықтау бойынша үй аралау жұмыстары ұйымдастырылды.
Аталған шара барысында арнайы жұмыс тобы Ынтымақ ауылдық округі бойынша тұрғын үйлерді аралап, жұмыс істемейтін, оқымайтын және кәсіби оқуға қатыспайтын жастармен жеке кездесулер өткізді.
Үгіт-насихат жұмыстары барысында жастарға мемлекеттік бағдарламалар туралы ақпарат беріліп, жұмысқа орналасу, кәсіптік оқудан өту және қайтарымсыз гранттар алу мүмкіндіктері түсіндірілді.
Бұл шара NEET жастарының санын азайтуға және оларды қоғамдық өмірге белсенді тартуға бағытталды.
