Көліктегі полиция департаментінің нұсқаулығына сәйкес маусым айының 12 күні Арыс 1 ст. ЖПБ-нің қызметкерлері және «Жастар ресурстық орталығы» КММ-мен бірлесе отырып, Арыс-1 вокзалында жолаушылар мен қала тұрғындарына «Вокзалда қабылдау» атты акциясы аясында түсіндірме жұмыстары жүргізілді.
Аталған акция аясында Арыс 1 станциясындағы желілік полиция бөлімшесінің мамандары жолаушылар вагондарында біреудің мүлкін ұрлаудың, перрондар мен вокзалда, жалпы теміржол аумағында жүргенде түрлі құқық бұзушылықтар жасаудың салдарынан хабардар етті. Сонымен қатар, акцияда 20 адам қатысып өз сұрақтарын қоя отырып қажетті жауаптарын алды.
Жүздесу барысында халықтың Қазақстан Республикасы көші-қон саласындағы заңнамасына сәйкес жүріп тұру мәселесі болды. Іс-шара барысында біз оларға Қазақстан аумағына кіруі және болуы, қанша уақыт мерзімде ішкі істер органына тіркелуі керектігін айтып, түсіндірілді.
«Вокзалда қабылдау» акциясы – бұл қоғамдық қабылдау форматындағы шара, ол теміржол вокзалдары немесе көлік торабы сияқты көп адам жүретін орындарда өтеді. Мұндай акциялар халықтың сұрақтарын, мәселелерін жерінде, жылдам әрі қолжетімді түрде шешуге бағытталған.
«Вокзалда қабылдау» акциясының негізгі мақсаты мен міндеттері: Халықпен тікелей байланыс орнату: Қоғамдық пікірді тыңдау, халықтың талап-тілектері мен мәселелерін уақытылы анықтау; Қызмет көрсету сапасын арттыру: Вокзалдардағы қызмет көрсету деңгейін бақылау, шағымдарды тыңдау және оларды шешу; Ақпараттандыру: Халықты әлеуметтік, экономикалық, құқықтық мәселелер бойынша ақпараттандыру, Әлеуметтік қолдау көрсету: Әлеуметтік осал топтарға кеңес беру, көмек көрсету.
