ТҮРКІСТАН ОБЛЫСЫНДА ЖҰМЫСШЫ МАМАНДЫҚТАР ЖЫЛЫНА ОРАЙ «ҮЗДІК МЕХАНИЗАТОР – 2025» БАЙҚАУЫ ӨТТІ

Түркістан облысындағы «Кәсіптік оқудағы көпсалалы колледж» базасында «Үздік механизатор – 2025» атты кәсіби шеберлік байқауы өтті. Жалпы байқау — кәсіби-техникалық білім берудің сапасын арттырып, ауыл шаруашылығы саласына білікті кадрлар дайындауға бағытталған. Сондай-ақ, студенттердің кәсіби шеберлігі мен еңбекке ынталандыру мақсатында ұйымдастырылған.

Байқауға өңірдегі 10-нан астам колледж студенттері қатысып, өздерінің теориялық білімдері мен практикалық дағдыларын сынға салды. Қатысушылар ауыл шаруашылығы техникаларын жүргізу мен оларға техникалық қызмет көрсету, қауіпсіздік ережелерін сақтау бойынша жарысты. Нәтижесінде үздіктер жүлделі орындарға ие болып, арнайы облыстық білім басқармасының Алғыс хатымен марапатталды.

Айта кетейік, 2025 жыл «Жұмысшы мамандықтар жылы» деп жарияланды. Президент тиісті Жарлыққа қол қойды. Бастама жұмысшы мамандықтарды дәріптеу арқылы қоғамда еңбекқор және нағыз маман болып қалыптасу идеясын насихаттауды көздейді.

«ЖҰМЫСШЫ МАМАНДЫҚТАР ЖЫЛЫ» — бұл Қазақстан Республикасында жұмысшы кәсіптерінің маңыздылығын арттыру, кәсіптік білім мен техникалық дағдыларды дамыту мақсатында жарияланған арнайы жыл.

Негізгі мақсаты:

• Жұмысшы мамандықтарының беделін көтеру;
• Жастарды техникалық және кәсіптік білім алуға ынталандыру;
• Еңбек нарығының сұранысына сай білікті кадрлар даярлау;
• Отандық өндірісті, өнеркәсіпті, ауыл шаруашылығын және басқа да маңызды салаларды кәсіби мамандармен қамтамасыз ету.
  1. Еңбек нарығында сұраныс көп – Жоғары оқу орындарынан бөлек, кәсіптік колледж түлектеріне де сұраныс артып келеді.
  2. Техникалық дағдылар – ел дамуының іргетасы – Индустриалды-инновациялық даму бағдарламалары жұмысшы мамандардың болуын талап етеді.
  3. Әлеуметтік мәртебені арттыру – Қоғамда «жұмысшы – беделді кәсіп» деген түсінікті қалыптастыру маңызды.
  4. Жастарға мүмкіндік – Қысқа мерзімде білім алып, жақсы табыс табуға жол ашады.

Жұмысшы мамандықтарының мысалдары:

• 1. • Дәнекерлеуші
     • Электрик
     • Слесарь
     • Құрылысшы
     • Аспаз
     • Тігінші
     • Жүргізуші
     • Механик
     • Ауыл шаруашылығы маманы
     • Техник-құрылғылар жөндеушісі

Неліктен бұл маңызды?

• Мемлекет тарапынан қолдау:

• • Кәсіптік колледждерге тегін оқыту;
  • Дуальды оқыту жүйесін дамыту (оқу + өндірістік тәжірибе);
  • Стипендиялар мен гранттар;
  • «Жастар практикасы», «Бірінші жұмыс орны» сияқты бағдарламалар.