Келес ауданы әкімдігінің «Жастар ресурстық орталығы» КММ-нің ұйымдастыруымен №13 колледжде жастармен кездесу өткізілді.
Абай ауылында орналасқан №13 колледжде жастар арасында құқық бұзушылық, нашақорлық пен деструктивті діни ағымдардың алдын алу, интернет қауіпсіздігі, буллинг пен суицидтің, зорлық – зомбылықтың алдыналу бағытында ақпараттық – танымдық біліммен қамтамасыз ету шараларының аясында құқық қорғау органы қызметкері және әр түрлі сала мамандарымен кездесу өткізілді.
Кездесу барысында қазіргі таңдағы жасөспірімдер арасындағы мәселелерге кеңінен тоқталып, заң талаптары баяндалып, қазіргі таңда орын алып жатқан жасөспірімдер арасындағы қылмыстық іс-әрекеттердің алдын-алу жолдарын таныстырып, құқық бұзған жасөспірімдерге қолданылатын шаралар және жазалар жайлы мағұлмат берілді.
Студенттер тарапынан сұрақтар қойылып, жауаптары алынды.
