Төлеби ауданы әкімінің орынбасары Бағдатбек Жанғазиев аудандық білім бөлімінің ғимаратында ұстаздармен кездесті.
Мәжіліс күн тәртібінде 3 мәселе қаралды. Облыстық білім басқармасы тарапынан аудандағы білім беру мекемелеріндегі оқушылардың тамақтануын тиімді ұйымдастырылуын мониторингілеу қорытындысы талқыланды.
Сондай-ақ, облыстық білім беру саласында сапаны қамтамасыз ету департаментінің қорытынды анықтамасы, білім беру мекемелеріндегі заңбұзушылық талқыланды. Инклюзивті сыныптардағы білім беру барысы да сөз болды.
Жиында Бағдатбек Пердебайұлы мектеп оқушылары арасында лудомания, суицид, құқық бұзушылық, интернет-алаяқтардан сақ болу, ерте жүктіліктің алдын-алу үшін жүйелі жұмыстар жүргізілу қажеттігін, ауданның әр баласы үшін ұстаздар қауымы ғана емес, қоғам жауапты екенін жеткізді. «Әр бала бақытты болуға лайық. Баланың болашағына әрқайсысымыз жауаптымыз», деді өз сөзінде аудан әкімінің орынбасары. Мектеп оқушылары білім беру ошақтарында сапалы білім, саналы тәрбие алу қажеттігін ескертті.
Кездесуде Бағдатбек Пердебайұлы ұстаздар тарапынан қойылған сұрақтарға жауап беріп, ұсыныс-пікірлеріне назар аударды.
