Сайрам аудандық полиция басқармасының бастығы полиция полковнигі Мұрат Ермеков халық алдында есеп беріп, өткен жылы атқарылған жұмысты қорытындылады. Есеп беру жиынына Сайрам ауданының әкімі орынбасары Мадияр Әліпов пен аудан прокуорының орынбасары Жасұлан Егемберді, аудандық ардагерлер кеңесінің төрағасы Андасбеков Данышпан, аудан тұрғындары мен Сайрам АПБ-ның жеке құрам қызметкерлері қатысты.
2024 жылы полицейлермен жасалған жұмыстар бойынша баяндама жасаған Мұрат Ермеков, тұрғындар тарапынан қойылған сұрақтарға жауап берді. Оның ішінде жол жүру белгілерін және көшелерге бейнекамералар орнату, интернет-алаяқтық қылмыстарының алдын алу жайы талқыланды. Мәселен Сайрам ауданы аумағында интернет-алаяқтығының алдын алу мақсатында тұрақты түрде халықпен әр түрлі түсіндірме жұмыстары жүргізіліп жатыр. Сайрамдықтарды күмәнді қоңыраулардан сақ болып, жеке деректерді өзге тұлғаға бермеуді, алаяқтардың арбауына түспей, сақ болуға шақырды.
Сондай-ақ жол белгілерін орнату және қауіпсіздікті қамтамасыз ету мақсатында бейнекамераларды орнату бойынша әкімшілікке ұсыныстар жолданып отыр.
Сонымен қатар жол қауіпсіздігін қамтамасыз ету мақсатында жол жүрісі ережесін қамтамасыз ету мақсатында патрульдік полиция тобының қызметкерлерімен 24945-ке жуық құқық бұзушылық анықталып, әкімшілік шара көрілген.
