Іс-шараға Жетісай АПБ бастығы Ә.Сапарбеков, сервистік полиция тобының мүшесі, Жетісай АПБ ЖПҚ учаскелік полиция инспекторы полиция подполковнигі Б.Абдурахманов, аудан әкімінің орынбасары С.Пірімбеков, «Нұр Жетісай» мешітінің имамы Н.Джунисов, ауған соғысының ардагері, Мақтаарал аудандық сотының судьясы М.Құнанбай, Аудандық аурухананың нарколг дәрігері С.Дінтаева, Отбасын қолдау орталығының психологы Н.Сапарханұлы сынды білікті мамандар қатысты. Мұндай кәсіби тұлғалардың жиынға қатысуы шараның маңыздылығын арттыра түсті.
Сервистік полиция тобының мүшесі Б.Абдурахманов кәмелеттік жасқа толмаған балалар мен олардың ата-аналарының жауапкершілігі туралы сөз қозғап, қоғамдағы құқықбұзушылықтардың алдын алу үшін бірлескен күш-жігердің қажеттілігін атап өтті.
Сонымен бірге, жиында қоғамда белең алып отырған суицид мәселесі де кеңінен қозғалды.
Соңғы жылдары елімізде жас жеткіншектердің өздеріне қол жұмсап, бүкіл қоғамды дүр сілкіндіруі белең ала бастады. Осындай жайсыз хабарлар Республикамыздың барлық облыстарында орын алуда. Қазіргі таңда осындай дертпен ел болып, жұрт болып бірлесіп күресудің өзектілігі артып отыр.
Жиынға қатысқан психолог мамандар суицидтің алдын алу бойынша жұмыстарды жан — жақты зерделеді. Сонымен қатар адам баласының өз – өзіне қол жұмсауының негізі неде? Суицидтің алдын алу жолдары қандай? деген секілді көптеген сұрақтарға жауап іздеп тәжірбие алмасты. Дөңгелек үстелде пікір-талас, сараптамалық ізденістер мазмұнындағы ұсыныстармен бөліскен психолог мамандар, жалпы психология саласына қатысты зерделі зерттеулерге де тоқталып өтті.
Өз – өзіне қол жұмсау ісі, көбінесе, үмітсіздіктен, мақсатсыздықтан, келешекке сенімсіздіктен жан тынышсыздығынан туындайтын амал.
Сондықтан да, әр қараңғы түннен кейін жарық күн, әр қиыншылықтан кейін жеңілдік бар екендігін түсіндіріп, қиналған кісінің жан дүниесін түсініп, құлазыған көңілге демеу болайық деді.
Жиын барысында балалардың құқықтарын қорғау, олардың қауіпсіздігін қамтамасыз ету, сондай-ақ ата-аналардың жауапкершілігін арттыру мәселелері кеңінен талқыланды.
Бұл жиын кәмелетке толмағандар арасындағы құқықбұзушылықтың алдын алу үшін қоғамның белсенділігін арттыруға, сондай-ақ балалар мен жастардың қауіпсіздігін қамтамасыз етуге бағытталған маңызды қадам болып табылады.
