Әскери қызметшілер арасында түсініксіз жағдайдағы өлім-жітім мен жарақат алу оқиғаларының көбеюінен кейін қоғамда әскер саласындағы әлімжеттік тақырыбы желдей есіп тұр. Көптің талқысына түскен мәселеге Президент Қасым-Жомарт Тоқаев Жолдауында арнайы тоқталып, қауіпсіздік пен тәртіпті нығайту қажеттігін айтты. Ол Отан алдындағы борышын өтеуге аттанған жастардың денсаулығы мен қауіпсіздігіне, ең алдымен, армия басшылығы және құқық қорғау мекемелерінің басшылары жауапты екенін еске сала келе: «Жастар әскерге Отан алдындағы борышын өтеуге барады. Жас сарбаздарымыз өз міндетін алаңсыз орындауы үшін әскер қатарында, ең алдымен, темірдей тәртіп болуға тиіс. Қарулы күштер мен басқа да күштік құрылымдар осы талапты мүлтіксіз орындауы қажет. Әр ата-ана әскерге кеткен баласын мемлекетке сеніп тапсырады», деді.
«Біздің жастарымыз әскерге «Отан алдындағы борышымды өтеймін» деп шабытпен аттанғанымен, кейбірі үйіне табытпен қайтып жатыр». Бұл – депутаттардың осы күрделі жағдайға қатысты айтқан пікірі. Олар әскерде әлімжеттік өршіп тұрғанына сенімді. Әсіресе кейінгі уақытта сарбаздардың асылып қалуы, мертігуі, бірін-бірі атып тастауы секілді оқиғалар жиілеп кеткені белгілі. Ал Қорғаныс министрлігі мұндай жағдайлардың алдын алу үшін қолдан келген шараның бәрі қабылданып жатқанын алға тартады.
Осы орайда, Төлеби аудандық польция бөлімі, аудандық ішкі саясат бөлімі “Жастар ресурстық орталығы” және аудандық аурухана, әлуметтік сүйемелдеу орталығы мамандарының бірлесе ұйымдастыруымен отан алдындағы борышын өтеуге келген 6698 әскери бөлімінің жас сарбаздармен семинар-тренинг өткізілді.
Іс-шараның негізгі мақсаты – суицид сезімдерінің алдын алу, қаржылық пирамидалардан, интернет-алаяқтардан аулақ болу, отбасындағы зорлық -зомбылық және дау-дамай, ажырасудың алдын алуды түсіндіру, салауатты өмір салтын насихаттау және жастарға психологиялық қолдау көрсету арқылы олардың өз мүмкіндіктеріне деген сенімділіктерін арттыру болды.
Кездесуге “Жастар ресурстық орталығы”КММ-нің психолог маманы М.Оразбай. Аудандық аурухана бөлімінің психолог маманы Б.Өстемирова және полиция бөлімінің аға инспекторы польция капитаны А.Боташова және әскери бөлімнің офицерлері келісім шарт және оқу пункті жас сарбаздары қатысты.
Тренинг барысында зорлық- зомбылық пен қатар лудоманиямен, психологиялық құбылыстардың алдын алу тақырыбы талқыланды, әсіресе қобалжу, стресс және суицидтің алдын алу сияқты мәселелерге ерекше назар аударылылып сол бойынша көмек көрсетілді.
