Жетісай ауданы, Жаңа ауыл ауылдық округінде орналасқан №23 А.Рудаки атындағы ЖББМ-нің 9-10-11 сынып оқушылары және мұғалімдері арасында жиын болып өтті.
Жиынға Қарой ауылында орналасқан «Әл-Мәлік» мешітінің бас имамы У.Холмуродов, «Шаңырақ» отбасы клубының жетекшісі және Аналар кеңесінің мүшесі К.Өмірбай, Түркістан облысының қоғамдық даму басқармасы «Қоғамдық келісім» КММ-нің Жетісай аудандық филиалының маманы Б.Рысбай, Жетісай аудандық ішкі саясат бөлімінің «Жастар ресурстық орталығы» КММ-нің инспекторлары
Б.Тұрташ, Б.Ажан және мектеп мұғалімдері мен оқушылары қатысты.
Жиында, құқықбұзушылықтың алдын алу, қоғамдағы суицидтік сезімдердің, зорлық-зомбылықтың, құқықбұзушылықтың алдын алу, қаржылық пирамидалары мен интернет-алаяқтықпен күресу бойынша, этносаралық татулықты нығайту, ата-аналарға және ұстаздарға құрмет көрсету, кәмелетке толмағандар тарапынан және оларға қатысты жасалатын қылмыс пен құқықбұзушылықтың, тұрмыстық зорлық-зомбылықтың алдын алу, түнгі уақыттарда ата-анасынсыз үй-жайынан тыс жерлерде болуларына тыйым салу жайында түсіндірме жұмыстары жүргізіліп, бала тәрбиесіне немқұрайлы қарайтын ата-аналар анықталған жағдайда заң аясында тиісті шаралар көрілетіндігі ескертілді.
Соңғы кезде қоғамда интернет-алаяқтар, қаржы пирамидаларына азаматтарды кеңінен тартушылар қатары көбеіп кетті. Жиын барысында спикерлер ақшан көбейтемін деп, басыңызды үлкен қауіпке тігіп алмас үшін, қаржылық сауаттылықты арттырып, жеке деректерге мұқият болып, қырағылық таныту туралы ақпараттармен бөлісті.
