Алаяқтардың басым бөлігі несие алу мен несие жабуды ұсыну кезінде кездеседі. Кей жағдайларда алаяқтар ірі мөлшерде несие алу мақсатында несие беру жөніндегі өтінімдердің мәліметтерін бұрмалайды. Мұндай жағдайларға жол бермеу қажет, себебі несие туралы мәліметтерді бұрмалау заңмен көзделген жауаптылыққа, оның ішінде қылмыстық жауаптылыққа әкеледі.
Тәртіп сақшылары осы алаяқтық фактілерінің алдын алу мақсатында барлық профилактикалық тетіктерді, оның ішінде визуалды әсер етуді қолдануда.
Олар мүмкіндігінше барлық әлеуметтік топтағы және егде жастағы адамдарға ғаламтор желісіндегі қылмыстар жайындағы мәліметтерді жеткізу мақсатында, Интернет алаяқтықтың алдын-алу тақырыбындағы хабарламалар жасап, халықтың көп шоғырланатын жерлеріне орналастырды.
Түркістан халқына ескерту: қаскүнемдердің айла-тәсілдерінің әртүрлі екенін, онымен қоса, олар ұдайы өздерінің криминалдық сызбаларын ауыстырып отыратындарын білу маңызды.
Егер сіз бір адамның алаяқ екендігіне сезіктенсеңіз, басты кеңес: абыржымай, шешім қабылдауға асықпай және желідегі қаржы операциясына қатысты барлық ақпаратты міндетті түрде тексеріңіз.
Алаяқтар тарпынан берілген мұндай ұсыныстар заңға қайшы немесе шындыққа сәйкес келмеуі мүмкін. Осындай жағдайлардың нәтижесінде Сізге берілген ұсыныстар орындалмай, керісінше қосымша қаржыларыңызды жоғалтып, ұзаққа созылатын сот процесстерінің қатысушысына айналасыз.
Сондықтан, алаяқтардың қақпанына түсіп қалмау үшін, несие алу кезінде тек банк қызметкерлерінен кеңес алып, заңда көзделген тәртіпте несие алыңыздар.
Ұялы байланыс арқылы кездесетін алаяқтардың мақсаты, алдау арқылы Сіздің ақшаларыңызды белгілі бір шотқа аудару немесе басқа да мекен-жайға жібереді.
Аталған алаяқ түрінің кең таралғаны — телефон байланысы арқылы Сіздің жақын туысыңыздың ауыр жағдайда екенін айтып, оны осы жағдайдан құтқару мақсатында белгілі сомадағы ақша қаражатын белгілі адамның атына аударуды сұрайды.
Өз-өзімізге сақ болайық!
