Бүгін интернет-алаяқтық және лудомания (ойынға тәуелділік) мәселелері бойынша түсіндіру жұмыстары Отырар ауданы, Темір ауылы, С.Әлиев атындағы шағын жинақты жалпы білім беретін мектебінде жалғасты.
Бұл іс-шараның басты мақсаты — қазіргі қоғамдағы өзекті мәселелердің бірі болып табылатын интернет алаяқтық және лудоманияның (ойынға тәуелділік) зиянды әсерлері туралы хабардар ету, алдын алу шараларын талқылау болды.
Түсіндіру жұмыстарын Отырар ауданының полиция бөлімі, Темір ауылының учаскелік полиция инспекторы, полиция мойоры Серікбаев Мұхит Қазыханович және полиция капитаны Сәдібеков Дархан Жеңісбекұлы жүргізді.
Жиналыс барысында тәртіп сақшылары қатысушыларға өздерін және жақындарын алаяқтардан қорғау жолдарын, сондай-ақ ойынға тәуелділікті бақылауда ұстау әдістерін атап өтті. Сондай-ақ ауыл тұрғындарының сұрақтарына жауап беріп, жеке жағдайларға қатысты кеңестер берді. Полиция қызметкерлері мұндай шаралардың қоғамдағы тыныштықты сақтауға, адамдардың психоәлеуметтік денсаулығын жақсарту бағытында маңызы зор екенін атап өтті.
