Кентау қалалық ішкі саясат бөлімінің ұйымдастыруымен «Алаяқтық, құқықбұзушылықтың алдын алу» бойынша Әлеуметтік қызмет көрсету орталығында кездесу өтті.
Жоғары білімді заңгер Абуова Аида қызметкерлерге және қала тұрғындарына интернет алаяқтықтың қанша түрі бар екендігін айтты. Оның ішінде ең көп тараған түрлері: «Интернет -дүкен алаяғы», «Интернет — қайыршылық», «Фишинг», Кликджекинг», «Биржалардағы интернет — алаятық», «Интернеттегі күтпеген ұтыс», «Интернет — казино», «Интернеттегі қаржы пирамидалары», «Жалған крипто-валюта алаяқтары», «СМС арқылы алаяқтық» секілді алаяқтықтың түрлерін жіктеп айтып өтті.
Сонымен қатар, басқа қаладан интернеттен тауарға тапсырыс берген жағдайда тек тексерілген сайттардан және ресми бет екеніне көз жеткізген соң ғана сатып алуды қарастыру керек. Көбінесе қылмыскерлер ұқсас сайттарды жасайды, тек ресурстың сипаттамасын өзгертеді, танымал банктердің логотиптерін, сондай-ақ танымал брендтерді пайдаланады, бұл адамдарды алдаудың бір тәсілі екенін эксперт-маманы Таубаева Гулнар Альжигитовна кеңінен айтып өтті.
Егер сізге белгісіз біреулер хабарласып, қандай да бір банктің атын атап банк карточкасы жайлы ақпарат немесе басқа да жеке мәліметтерді сұраса, ең алдымен сол банктің сенім телефондарына қоңырау шалып, ақпараттың рас — өтірігін анықтап алған артықтық етпейтінін маман Еркін Сержанов айтып өтті.
