Қазақстанның бүкіл өңірлерінде бастау алған Қарызсыз Қоғам жобасының аясындағы оқу нәтижесінде бүгінде 15 мың адам қаржылық сауаттылығын арттырды.
«Қарызсыз қоғам» жобасына қатысқан 100-ден астам әйел Астанада арнайы бас қосып, қарыздан құтылудың, отбасы табысын арттырудың тәжірибесімен бөлісті. Іс-шарада жоба қатысушылары сөз сөйледі. Мәселен, Түркістан облысынан келген төрт баланың анасы Айнұр Есенова берешектен құтылып, кәсіп бастаған жолын айтып, көптеген әйел азаматтарға өз мысалымен мотивация берді.
Сондай-ақ, Қарызсыз Қоғам платформасы іске қосылды. Платформада сіз оқуға жазылып қана қоймай, тегін бейне-курстарды қарай аласыз. Платформа қолданушыларға барынша ыңғайлы және пайдалы болуына қарқынды жұмыс жасалынып жатыр.
2024 жылы еліміздің барлық өңірінде 200 мың адам қаражатқа жауапкершілікпен қарап, табысты арттырудың әдіс-тәсілін үйренеді. Бұған қоса, мектеп, колледж және жоғары оқу орнына арналған оқу құралдары әзірленеді. Бұл қадам 100 мыңға жуық студент пен 450 мың жоғары сынып оқушыларының сауатын арттыруға мүмкіндік береді. Осылайша, жоба аясында 750 мың адам қамтылады.
Бізбен бірге болыңыздар! Қаржылық сауатыңызды арттырыңыздар!
