Әлемдік әлеуметтік желілерде Pfizer-дің турбо қатерлі ісіктің таралуы туралы фейк ақпараттар таралуда, деп хабарлайды Stopfake.kz сайтына сілтеме жасаған 4tagan.kz.
Pfizer 2023 жылдың наурызында баспасөзде Seagen компаниясын 43 миллиард долларға сатып алатынын айтқан. Америкалық биотехнологиялық компания қатерлі ісікке қарсы дәрі-дәрмектер өндірумен айналысады.
Бірақ турбо қатерлі ісік – бұл бірде-бір медициналық қауымдастық мойындамаған ауру. Бұл терминді 2022 жылы канадалық дәрігер Чарльз Хоффе ойлап тапқан. Оның пайымдауынша, турбо қатерлі ісік адамға коронавирусқа қарсы мРНҚ вакцинасы жасалғаннан кейін дамиды. Болжамнан басқа ештеңе болған жоқ. Әлемде бұл аурудың бірде-бір жағдайы тіркелмеген. Жетекші америкалық Слоан-Кеттеринг клиникасы да турбо қатерлі ісікті миф деп атады. Оның мамандарының пікірінше, COVID-19 қарсы вакциналар онкологиялық аурулар тудырмайды.
Осылайша, Pfizer америкалық Азық-түлік және дәрі-дәрмек сапасын бақылау басқармасы (FDA) мақұлдаған онкологиялық препараттарға қол жеткізді. Дәрі-дәрмектің ешқайсысы турбо қатерлі ісікті емдемейді. Seagen фармацевтикалық нарыққа таргеттік терапия препараттарын жеткізеді. Атап айтқанда, сүт безі қатерлі ісігімен күресетін Tuksya, қуық қатерлі ісігін емдейтін Padcev және Ходжкин лимфомасын емдеуге арналған Adcetris. Аталған жаңа препараттардың барлығы «антидене конъюгаты» деп аталады. Олар ісіктің өзіне барынша тиімді, ал айналасындағы тіндерге азырақ әсер етеді.
Pfizer турбо қатерлі ісік жағдайларының артуын болжаған жоқ, сондай-ақ әлемде бұл аурудың барын бірде-бір ғалым растаған жоқ.
