Бүгінгі қоғам виртуалды әлемдегі діни ақпараттың адам санасы мен көзқарасын қалай форматтап, жан дүниесінде қандай сезімдер тудырып, әлеуметтік ұстанымын қалай қалыптастырып жатқанын дін ғылымдарымен бірге, жаңа технологияның адам болмысына әсерін зерттейтін киберпсихологияның зерттеу құралдарымен де байланыстырып, айқындап беруді талап етіп отыр.
Тіпті, жүрегімізде белгілі бір ырғақта тұрады. Енді соңғы уақытта ғалымдар ми өлшеуге болатын толқынды ырғақта тұрып жұмыс жасайтынын анықтады. Ол толқындар сіз ашуланып тұрсыз ба, әлде қуанып тұрсыз ба, әлде ауырып тұрсыз ба соған байланысты құбылып тұрады екен. Қысқаша айтқанда, миымыздың ырғағы біздің қандай күйде тұрғанымызды анық көрсетіп тұратын айна десек болады. Енді ми ырғағы басқарылатын болса, не болар еді? Қызық, адамдардың әлеуметтік желідегі діни ақпаратқа арбалып қалатыны немесе түрлі жалған діни идеологияның ықпалынан шыға алмай қамалып қалуы, оның миының ырғағын біреу басқарып отыр деген сөз емес пе? Бұл шындық дәлелдеуді қажет етпесе керек… Үшінші эффектінің нәтижесі – теріс діни ақпаратқа саналы түрде тәуелділік.
Адамның қорғашаған орта, жаратылыс, ғалам, көзге көрінет, көрінбейтін әлемдер, дін, Жаратушы туралы көзқарасы, түсінігі, дүниетанымы қандай болса, оның ішкі тұлғалық қасиеті мен сипаты да сондай болады. Нақтылап айтсақ, сырттан алған ақпаратымыздың құрылымы қандай болса, болмысымыз да сол мәліметке сай болады. Біз күнделікті денемізге қажетті азық-түлікті табиғи құрамы бай болса – пайдалы, химиялық құрамы жоғары болса – зиян деп таңдап, талғап тұтынамыз. Өйткені, ол тағамдар денемізге айналатынын білеміз. Сол сияқты, діни ақпарат та біздің болмысымызды қалыптастыратындықтан мұқият сүзгіден өткізіп барып қабылдауымыз қажет.
