Төлеби ауданының орталығы Ленгір қаласында тындырымды тірліктер көп. 2023 жылы қала бюджетінің түсімі 223 167,0 мың теңгені құрап, жоспардан 112,9% артығымен орындалған. Өнеркәсіп саласындағы өндірілген өнім көлемі артып, 10 890,0 мың теңге болды. Ленгір қаласы аумағындағы бос жатқан жалпы алаңы 3,183 га жер телімідері Төлеби жер қатынастары бөліміне кәсіпкерлікті дамыту мақсатында аукционға ұсынылды. Бұл жөнінде Ленгір қаласының әкімі Мақсат Жұмабаев аудан активіне берген есебінде баяндады. Жиынға аудан әкімі Төлеген Телғараев төрағалық етіп, қаланың әлеуметтік-экономикалық дамуы, халықтың тұрмыс сапасын жақсартуға бағытталған іс-шаралар жөнінде атқарылған жұмыстарға сала мамандарының ұсыныстарын талдап, пікірлерін тыңдады.
2023 жылы Қазақстан Республикасы әскери күштерінің қатарына қызметке Ленгір қаласы бойынша 43 адам жіберілді, әскерге шақыру бойынша жоспар 100% орындалса, қала тұрғындары арасында атаулы әлеуметтік көмек алушылар саны 457 болып, өткен жылмен салыстырғанда 139 адамға төмендеген. Былтыр қала тұрғындарын жұмыспен қамту өз деңгейінде жүзеге асқан. Әлеуметтік жұмыс орнымен 58 адам қамтылса, жастар практикасы бағдарламасымен 106 жас жолдама алса, 285 тұрғын қоғамдық жұмысқа тартылды. Алғашқы жұмыс орны және күміс жас жобасы арқылы жұмысқа орналасқандар саны артып, 398 азамат тұрақты жұмыс орнымен қамтылған.
Таскешу елді мекені, Кенші, Күмістөбе көшелеріне газ кіргізуге 2022 жылы қаржы бөлініп, 2023 жылы толығымен орталықтандырылған газ жүйесімен қамтылса, қала көлеміндегі облыстық маңызы бар автомобиль жолдарының жарамдылығы 100%;, аудандық маңызы бар жолдың қанағаттанарлық жағдайы 98% құрады. Аудандық бюджет есебінін Ленгір қаласының ұзындығы 4,43 шқ құрайтын 9 көшесіне орташа жөндеу жұмыстары жүргізілді. Жарық жол” мекемесі арқылы қаланың 12 ішкі көшелері орташа жөндеуден өтті. Аудандық бюджет есебінен Төлеби көшесінен Амангелді көшесіне дейінгі аралыққа, Төлеби көшесінің №293 пен №105, №107 үй, №387 көпқабатты тұрғын үй ауласымен арасына. 1 мөлтек ауданы Боран сауда үйімен Хан шатыр дүкені аралығына, Қазыбек би көшесіне аяқ жол төселді. Қалалық әкімдіктің бюджеті есебінен 9 көшеге аяқ жол салынса, 19 көшеге түнгі жарық шамдары орнатылды. 1-мөлтек ауданындағы көп қабатты тұрғын үйлер аулаларына 8 жерге бейнебақылау камералары және барлық көпқабатты тұрғын үйлердің алдына түнгі жарық шамдарын орнату жұмыстары жүргізілді.
Басқосуда сөз алған аудан әкімінінің орынбасарлары өз салалары негізінде қала аумағында хаттамалық тапсырмалардың орындалу деңгейін баяндап, жұмыс барысында орын алған олқылықтармен таныстырды. Қала әкімінің орынбасарлары, сектор меңгерушілері қызмет бабында орын алған кемшіліктер бойынша түсініктеме берді.
Аудан әкімі Төлеген Тұртайұлы қызметіне немқұрайдылық танытып, жауапкершілік жүгін өз деңгейінде атқара алмағандарға шара қолданылатынын айтып, функционалдық міндеттерін дұрыс атқаруын айтты. Мемлекеттік қызметті абыроймен өткеруді тапсырған аудан әкімі мемлекеттік қызметші болу үлкен мәртебе екендігін айтып, жұмысты ширатуды тапсырды.
