Бүгін ҚР АШМ АӨК МИК-нің Түркістан облыстық аумақтық инспекциясының өсімдіктерді қорғау және карантині, астық саласы және асыл тұқымды мал шаруашылығы мәселелері бойынша заңнамаларының тиісті нормаларына түсіндірме жүргізу жөнінде көшпелі семинар-кеңесі өтті.
Семинар кеңеске Шардара ауданы әкімінің орынбасары Б.Шомпиев, ҚР АШМ АӨК МИКТүркістан облыстық аумақтық инспекциясы басшысының орынбасары, бөлім басшылары мен мамандары, облыстың ауыл шаруашылығы басқармасының сала мамандары, Арыс қалалық аумақтық инспекция басшысы мен мамандары,Арыс қалалық фитосанитариялық диагностика және болжамдар әдістемелік орталығының директоры мен мамандары, аудандық ауыл шарушылығы бөлімінің басшысы мен мамандары, ауыл округі әкімдері мен мамандары және ауылшаруашылығы тауарын өндіруші жеке және заңды тұлғалар мен диқандар қатысты.
Жиын барысында күн тәртібіндегі Қазақстан Республикасының «Өсімдіктерді қорғау туралы» 2002 жылғы 3-шілдедегі Заңының (өзгерістері мен толықтыруларымен) негізгі нормаларын түсіндіру, Қазақстан Республикасының «Өсімдіктер карантині туралы» 1999 жылғы 11 ақпандағы Заңы мен Қазақстан Республикасының «Астық туралы» 2001 жылғы 19 қаңтардағы №143 заңының (өзгерістерімен толықтыруларымен) негізгі нормалары, ҚР «Асыл тұқымды мал шаруашылығы туралы» Заң талаптарын түсіндіру және Шардара ауданы аумағындағы фитосанитариялық жағдайдың барысы туралы баяндамалар жасалып, талқыланды.
«Біздің мақсат — ауылшаруашылығы саласындағы өсімдікке және малға зиян тигізетін зиянкестермен күресті күшейту. Жылдан жылға бұл шара кешенді түрде күшейіп келеді. Соның арқасында шегіртке, қауын шыбыны, кене және өзге де өсімдіктер зиянкестері едәуір азайған. Жалпы облысымызда сәуір және мамыр айларында зиянкестерге қарсы дәрілеу жұмыстары жүргізіледі.»- деді сала мамандары.
Сондай-ақ, семинарға қатысушылар тарапынан сұрақтар қойылып,ұсыныстар айтылды.
Жиын барысында толыққанды жауаптар беріліп, алдағы жоспарлар пысықталды.
