Тұрғындар Келес ауданындағы Бірлесу ауылдық округінің 28 гвардия, Дихан, Берекелі елді мекендеріндегі мүлдем шағал төселмеген 7,3 шақырым көшеге шағал төсеп беру мәселесін көтерген болатын. Нәтижесінде бюджеттен қажетті қаржы қаралып, Дихан елді мекеніндегі Ш.Уалиханов, Домалақ ана, Тауке хан көшелеріне шағал төселді. Сонымен қатар, 28 гвардия елді мекеніндегі ұзындығы 3 шақырым 300 метр болатын Бөгенбай батыр көшесіне шағал төсеу жұмыстары жүргізілуде. Бұл туралы Келес ауданы әкімінің м.у.а. Алмас Сексенбаев Бірлесу ауылдық округінің тұрғындарымен кездесуінде атап өтті.
Жергілікті тұрғындармен кездесуі еркін, сұрақ-жауап форматында өтті. Тұрғындар өткен кездесулерде айтылған түйіткілдердің шешілу барысын сұрап, өзекті мәселелерді көтерді. Өз кезегінде Алмас Икрамұлы әрбір сұраққа жауап беріп, уақыт талап ететін мәселелер бойынша арнайы ісшара жоспары бекітілетінін айтты.
Бірлесу ауылдық округінде 2023 жылы таза ауыз су мәселесін шешу мақсатында Дихан, Берекелі елді мекендеріне «Омега» су қондырғысы орнатылды. Қазіргі таңда ауыз су мәселесі толық шешімін тапты. Сонымен қатар, Қазақстан елді мекеніндегі демалыс аллеясын абаттандыру бойынша эскиздік жоба істеліп, құжаттандыру жұмыстары жүргізілуде. Алдағы уақытта 28 Гвардия, Дихан және Берекелі елді мекендеріне спорт алаңшаларын салу, ауылдық округінің орталығынан мәдениет үйін салу жұмыстары жоспарған енген.
