Түркістан облысының әкімі Дархан Сатыбалдының тапсырмасымен инфрақұрылымды жақсарту бағытында жұмыстар жүргізіліп жатыр. Қазір облыстағы орталықтандырылған ауыз сумен қамтылған елді мекендердің жалпы саны 719-ға жетіп, қамту деңгейі 86,4 пайызды құрап отыр. Биыл қосымша 20 елді мекенге жаңадан ауыз су құбыры тартылуда. Ал 11 елді мекеннің тозығы жеткен су жүйелері жаңартылууда.
Нәтижесінде, қамту деңгейі 88,6 пайызға жетеді. Қалған елді мекендерді алдағы 3 жылда толық қамту жоспарланып отыр.
Аймақта газбен қамту жұмысы да жүйелі. 465 елді мекенге газ жүргізіліп, қамту деңгейі 56 пайызға жетті. Биыл 63 нысанның құрылысы аяқталып, қосымша 52 елді мекен табиғи газға қосылуға мүмкіндік алуда. Нәтижесінде, жалпы газбен қамтылған елді мекендер саны 517-ге жетіп, қамту деңгейі 63 пайызды құрайды.
