Жақсы өнім алудың басты кепілі — сапалы тұқым материалын өндіру. Бұл бағытта 1939 жылы ашылған және облыстың орталық аймағы Сайрам ауданының Ақбай ауылында орналасқан аудандық кешенді мемлекеттік сұрыптау учаскесі жұмыс істейді.
Мемлекеттік сұрыптау учаскесінің негізгі міндеті ауыл шаруашылығының талаптарына сай ауыл шаруашылығы дақылдарының жоғары өнімді және сапасы бойынша бағалы сұрыптарын анықтау және сұрыптық сынау жүргізу болып табылады.
2023 жылы Сайрам кешенді мемлекеттік сұрыптау учаскесінде 26 дақылды, оның ішінде: дәнді, дәнді-бұршақты, майлы, техникалық және көкөністі конкурстық сұрыптау сынағы өткізілуде. Барлығы 234 сұрыптық тәжірибе жүргізілді.
Сайрам сұрыптық учаскесінде 2023 жылы дәнді дақылдарының 78 сұрыптық тәжірибесі сыналды. Бидай суармалы және тәлімді жерде сыналды. 2022 жылғы сұрыптарды сынау қорытындысы бойынша кейбір сұрыптар көр-сеткіштер бойынша стандарттан асып түсті.
Бұл сұрыптар республикалық зертханаға глютенді, нанның шығымдылығын, ақуыздың құрамын химиялық-технологиялық талдау үшін жіберілді.Біз учаскеде жасаған талдаулар бойынша мың дәннің салмағы және өнімділігі жоғары екенін анықтаймыз .
2022-2023 жылдары Орал мен Ресейден шыққан жаңа сұрыптар, сондай-ақ жергілікті және аудандастырылған сұрыптар сыналды. Сайрам кешенді мемлекеттік сұрыптау учаскесінде 2023 жылы көкөністер ашық және қоршалған жерлерде сыналып, сұрыптық сынау қорытындысы бойынша өнімділігіне сәйкес кейбір сұрыптар мен будандар аудандастыруға ұсынылды.
Ауыл шаруашылығы дақылдарын өсіру технологиясының және сұрыптар мен будандарды іріктеудің барлық мәселелері бойынша Сайрам ауданы, Ақбай ауылындағы мемлекеттік сұрыптау учаскесіне хабарласуға болады.
А.ШЫРЫНБЕК,
Сайрам кешенді мемлекеттік
сұрыптау учаскесінің
меңгерушісі.
