Төлеби ауданы Леңгір қаласындағы «SERT» мүгедектер қоғамдық бірлестігінің ұйымдастыруымен тігін және жиһаз цехы заманауи құрал-жабдықтармен қамтылды. Жеке кәсіпкер Сәбит Сансызбаев жаңа цехты іске қосуға өз есебінен 120 млн теңге қаражат жұмсаған. Жыл басынан бері өндіріс орнында 1 млрд теңгенің өнімі өндірілген.
Аталған нысанға арнайы барған аудан әкімі Төлеген Телғараев жиhаз жасайтын цехты аралап көріп, кәсіпкердің жұмысына сәттілік тіледі. Онда қазіргі таңда 30-дан астам жергілікті тұрғын жұмыспен қамтылған. Қызметкерлердің орташа жалақысы 100 мың теңгені құрайды. Мекеменің 2 өндірістік цехы бар. Атап айтқанда, жиһаз өндіру және дәнекерлеу. Сондай-ақ, тігін шеберханасы да жұмыс істейді. Жылына 5 620 мектеп жиһазын, 2 863 кеңселік жиһаз шығаруға қауқарлы.
Қоғамдық бірлестікке «Өндірістік индустриалды», «ST-KZ», «Еуропалық экономикалық одақтың сәйкестік» сертификаттары берілген. Мекеме сонымен қатар «ҚР Жиhаз жасаушылардың гилдиясы» бірлестігінің мүшесі мүшесі.
