Түркістан Оқушылар сарайында Қазақ мәдениетінің, руханиятының қара нары, халқымыздың ұмыт болған ұлттық мәдениеті мен әдеп-ғұрпын қайта түлеткен белгілі этнограф, көрнекті мемлекет және қоғам қайраткері Өзбекәлі Жәнібековтің 92 жылдығын атап өту мақсатында «Өзбекәлі Жәнібек — ұлттық руханият айнасы» атты Халықаралық ғылыми-тәжірибелік конференция өтті.
Оған елімізден және Түркия, Қырғызстан, Өзбекстан және Қарақалпақстан сияқты елдерден ғалым, профессорлар мен мұғалім және жас студенттер қатысты. Атап айтар болсақ, Астана қаласы өзбек этномәдени орталығының төрағасы, ҚХА-ның республикалық медиация кеңесінің төрағасы, ҚР Президент жанындағы Ұлттық Құрылтай мүшесі Шерзод Аббозович Пулатов, «Әзірет Сұлтан» мемлекеттік тарихи-мәдени музей–қорығы Ғылыми зерттеу бөлімінің басшысы Байболов Берік Қыстаубайұлы, Түркістан қаласы Әйелдер алқа төрейымы. ҚР Мәдениет қайраткері, Түркістан қаласының құрметті азаматы, ҚР оқу ісінің үздігі Мұстафаева Ұлжан Әбенқызы, Қожа Ахмет Ясауи атындағы Халықаралық қазақ-түрік университеті филология факультеті Түрік филологиясы кафедрасының меңгерушісі, ф.ғ.к. (Түркия Республикасы) Кенан Семиз, Бердақ атындағы Қарақалпақ мәмлекетлик университети инглис тил билими кафедрасы доценті, Филология илимлери бойынша философия докторы PhD (Қарақалпақстан Республикасы) Сапарниязов Рустем Шаниязович және тағы басқа ғалымдар қатысып, баяндама жасады.
Конференцияның мақсаты – этнограф, көрнекті мемлекет және қоғам қайраткері Өзбекәлі Жәнібековтың өмірін жас ұрпаққа насихаттау, оның ел үшін еткен еңбектерін жаңғырту.
