Сарыағаш ауданында «19 қазан – Құтқарушылар күніне» орай төтенше жағдайлар басқармасының қызметкерлері мен Сарыағаш, Қазығұрт, Келес ауданындағы мекеме қызметкерлі арасында футболдан жарыс өтті.
Жалпы жарысқа 3 ауданнан құралған 5 команда қатысты. Тартысты өткен ойындардың қорытындысы бойынша І-орынды Сарыағаш қаласы әкімшілігінің қызметкерлері, ІІ-орынды Қазығұрт аудандық №13 өрт сөндіру бөлімі қызметкерлері, ІІІ-орынды Сарыағаш аудандық полиция бөлімінің қызметкерлері иеленді.
Ойында жеңімпаз және жүлдегер атанған командалар, сондай-ақ ,үздік деп танылған ойыншылар диплом және кубоктармен марапатталды.
