Созақ ауданы Тәкен Әлімқұлов атындағы мектеп-интернат лицейінде Түркістан облысы Қоғамдық даму басқармасының қолдауымен, Түркістан облысының «Азаматтық Альянсы» ЗТҚ ұйымдастыруымен облыстағы қоғамдық ұйымдардың арасындағы «Әлеуметтік идеялар мен жобалар» жәрмеңкесі аясында «АСАР» Түркістан облысының мүгедектер қоғамы Созақ аудандық филиалының «TERISKEI SPORT» әлеуметтік жобасы жүзеге асырылды.
Білім ордасының ауласынан балаларға арналған ойын және жаттығу алаңшасы ашылды. Шараның ашылуына аудандық «Созақ үні» газетінің бас редакторы Сәрсенбек Теңізбаев пен бірқатар қоғам белсенділері, ҚР еңбек сіңірген жаттықтырушысы Мұрат Серікбаев пен шәкірттері қатысып, осындай игі іске арқау болған азаматтарға алғыстарын жеткізді.
Қоғамдық ұйымның аудандық филиал төрағасы Біржан Саржанов өз сөзінде
— Осындай игілікті жобалар жыл сайын іске асып келеді. Өткен жылы Шолаққорған ауылының орталық көшелерінде қоқысты сұрыптап тастайтын жәшіктер орналастырылып, биылғы жылы жастарға арнап жаттығу алаңшасы пайдалануға берілуде. Бұнымен шектелмей, алдағы уақытта да тың жобаларды қолға алатын боламыз,-дейді.
Айта кетейік, Тәкен Әлімқұлов атындағы мектеп-интернат лицейінен ашылған балаларға арналған ойын және жаттығу алаңшасы шалғай ауылдардан келіп, жатып оқиьын балалардың бос уақыттарында спортпен шұғылданып, ойнауларына мүмкіндік береді.
